الزوج مظلوم يا حرام

الحوار بنها وبين الزوج كالاتى هو:

حبيبتي أنا حأطلب بيتزا ، عايزة حاجة ؟

هي:
لا يا حبيبي

هو :
اوكي

هي:
ولا أقولك ..؟

هو:
ها ، أطلب لك كمان ؟

هي:
مش عارفة

هو :
مش عارفة إذا كنتي عايزة ؟

هي:
لا

هو:
أنتي جعانة ؟

هي:
يعني

هو :
يعني إيه يعني...؟

هي:
يعني مش متأكدة إذا كنت جعانة ولا لأ.

هو:
الواحد لما بيكون جعان بيعرف

هي :
لأ بس يمكن اجوع بعدين

هو:
يعني اطلب لك بيتزا؟

هي:
طيب واذا ما كنتش جعانة وقتها..؟

هو :
ما تاكليش

هي :
بس ده كدة يبقى تبذير

هو:
خلاص ، تبقي تاكليها بكرة

هي:
و إذا ما كانش لي نفس آكل بيتزا بكرة؟

هو :
مش محتاجة نفس ، الواحد عادي ممكن ياكل بيتزا كل يوم

هي:
انا لا .. أنا مش باكل بيتزا الا لما يكون عندي نفس للبيتزا

هو:
طيب بلاش ، أطلب لك حاجة تانية؟

هي:
بس أنا مش عايزة حاجة تانية

هو:
يعني عايزة بيتزا؟

هي :
لا

هو:
يعني مش عايزة حاجة؟

هي:
لأ برضه

هو :
جننتيني ، طب أعمل إيه؟

هي:
اطلب انت لنفسك

هو:
الحمد لله ، اخيرا .. ماشي ..

هي :
بس اطلب بيتزا بالتونة

هو:
نعم ؟ انا مش بحب البيتزا التونة

هي:
بس انا بحبها

هو:
وانتي مالك ؟ هو انا حاطلب ليا ولا ليكي

هي:
ليك طبعا

هو:
طيب أطلبها ليه بأة بالتونة...؟

هي:
يمكن اجوع لما يوصل الاكل

هو :
وبعدين؟

هي:
يا سلام ، يعني تفتكر آكل حاجة مش عاجباني؟

هو:
ليه هو انتي – أصلاً - عايزة تاكلي؟

هي :
ليه لأ ؟

هو:
يا مثبت العقل .. هو أنا حاطلب بيتزا لي , عشان احتمال انتي تاكليها اذا كنتي
جعانة؟؟

هي:
بالضبط

هو:
وأنا بلاش آكل؟

هي: يمكن وقتها أكون مش جعانة

ملاحظة

محكمة الجنايات قررت تبرئة الزوج من تهمة
'قتل الزوجة مع سبق الإصرار والترصد'
وتحويل التهمة إلى ..
'قتل الزوجة دفاعاً عن النفس'

هههههه حلوة كتير

شكرن للمرور

» خطيبك هل هو الزوج المناسب
» لمسه بسيطه تحول الزوج الغاضب الا عاشق
» قصة زوج وزوجه وضعت القصة لتبين خيانة الزوج وانتقام الزوجة